Presidenti amerikan Joe Biden tha të premten se mesazhi i tij për Iranin, i cili ka kërcënuar se do të ndërmarrë veprime ushtarake kundër Izraelit, është thjesht “mos”.
Duke folur para gazetarëve, Biden tha gjithashtu: “Ne jemi të përkushtuar ndaj mbrojtjes së Izraelit. Ne do të mbështesim Izraelin. Ne do të ndihmojmë në mbrojtjen e Izraelit dhe Irani nuk do të ketë sukses.”
Kujtojmë se Izraeli ka goditur konsullatën e Iranit në Siri disa ditë më parë duke vrarë 7 persona nga personeli iranian.
Kjo ka sjellë reagim të ashpër dhe paralajmërime nga Teherani, i cili ka deklaruar se do të përgjigjet ashpër ndaj Izraelit.
