Një tjetër aksion i OFL-së në Durrës, i kërkon të justifikojë pasurinë Xhevdet Troplinit.
Xhevdet Troplini i dënuar për trafikim lëndësh narkotike, banues në Durrës duhet t’i përgjigjet me shkrim brenda 48 orëve pyetjeve të OFL-së për justifikimin e pasurisë.
Troplini u arrestua në 2006 për trafikim të lëndëve narkotike pas përgjimeve të policisë italiane ndaj tij dhe personave me të cilët ai bashkëpunonte. Dosja e tij u vu në dispozicion të Policisë Shqiptare.
Ditën e djeshme Xhevdet Troplinit iu sekuestrua makina e blinduar e tipit “Jeep”. Troplini njihet ndryshe me pseudonimin “Poja”, në pronësi të së cilit janë disa biznese si dhe aksioner në kompaninë “EuroMag” (me materiale ndërtimi) si dhe në kompaninë “OvItal”(me produkte mishi)
Ky person del gjithashtu edhe në listën e biznesmenëve të gjobitur në Durrës nga një eksponent shumë i njohur kriminal në Shqipëri si Emiljano Shullazi.
Deklarata e Xhevdet Troplinit brenda 48 orëve duhet t’i dërrgohet SPAK-ut nga OFL-ja, me kërkesën për sekuesrtim të pasurive nga burime të dyshimta. Ka 15 ditë kohë për shqyrtim dhe për ta dërrguar pranë Gjykatës kundër Korrupsionit dhe Krimit të Organizuar e cila merr vendim për sekuestrim të pasurisë së Xhevdet Troplinit.