Pas tragjedisë ndaj Suedisë, e cila skualifikoi Italinë në fazën ‘Play Off’, kampi azzurr është kthyer në një kaos të vërtetë. Lojtarët kanë shprehur haptazi dëshpërimin e tyre pasi është hera e parë pas 59 vitesh që 4 herë kampionët e botës dështojnë të kualifikohen në botëror.
Ajo cka binte më tepër në sy ishtë dëshpërimi i thellë i Buffon, i cili pretendonte të luante botërorin e tij të gjashtë me fanellën e Italisë, që mbeti një dëshirë e parealizuar për gjigandin e portës Italiane, i cili kishte konfirmuar tërheqjen e tij përfundimtare nga futbolli pas Botërorit “RUSI 2018”.
Por përvec Buffon, tërheqje nga futbolli italian kanë konfirmuar edhe disa lojtarë të tjerë Italianë, të cilët nuk e kanë kapërcyer dot ndjenjën e dështimit dhe skualifikimin nga Suedia.
Reagime të ashpra ka pasur edhe ndaj Venturas, i cili u shkarkua menjëherë nga posti i trajnerit pasi mbetet fajtori kryesor për këtë dështim tragjik të Italisë.
Ndërkohë menjëherë pas ndeshjes, pensionimin nga kombëtarja kanë konfimuar edhe Giorgio Chiellini dhe Daniele De Rossi.
Federico Bernardeschi u shpreh se skualifikimi nga Kupa e Botës ishte “tragjike” për Italinë, por mbi të gjitha për ata që u pensionuan. “Ata nuk e meritonin këtë”, – u shpreh lojtari i Juventusit.
Manolo Gabbiadini tha se skualifikimi ishte “një gjë e shëmtuar që askush nuk donte të shihte” pas humbjes katastrofike ndaj Suedisë.
Edhe Andrea Barzagli reagoi duke e quajtur këtë episod si më të shëmtuarin e jetës së tij.
Rikujtojmë që favoritët për të marrë drejtimin e Italisë mbeten Carlo Ancelotti dhe Antonio Conte, trajnerë të cilët me siguri do t’i rikthenin lavdinë e merituar Italisë në garat europiane dhe botërore.
Përgatiti: AlpeNews.al
