Pas Messit, Neymarit dhe Deschamps tashmë është radha e Cristiano Ronaldos i cili kërcënohet nga Shteti Islamik ISIS.
Organizata terroriste ka përdorur imazhin e futbollistit më të populluar në botë për të kërcënuar Kupën e Botës “Rusi 2018”, shkruan e përditshmja spanjolle “AS”.
Së fundmi ISIS po përdor imazhet e futbollistëve më të njohur në botë për të kërcënuar botën e sportit.
Qindra-mijëra tifozë pritet të udhëtojnë në Rusi gjatë verës së ardhshme dhe siguria maksimale do të jetë një nga preokupimet e vendit organizator dhe FIFA-s. Nga ana tjetër, ISIS i shfrytëzon të tilla evente për të goditur pa mëshirë dhe bërë bujë të madhe në botë.
Kërcënimet për ta goditur edhe “Rusia 2018” nuk po mungojnë, çka mban në ankth jo vetëm sportistët dhe stafet respektive, por edhe tifozët që duan të jenë të pranishëm në stadiumet e këtij Botërori.
