Presidenti rus Vladimir Putin solli një përkthyese tërheqëse femër në një takim me Donald Trump në Samitin e G20 në Osaka në vitin 2019, për të shpërqendruar homologun e tij amerikan.
Kjo gjë pohohet nga një ish-ndihmëse e Shtëpisë së Bardhë, Stephanie Grisham.
Ajo ka botuar një libër, ku pohon se Fiona Hill, ish-drejtore e Lartë për Evropën dhe Rusinë e Këshillit të Sigurisë Kombëtare, vuri re përpjekjen e Putinit për ta lënë Trumpin nën vëzhgim.
“Ndërsa filloi takimi, Fiona Hill u përkul dhe më pyeti nëse e kisha vënë re përkthyesin e Putinit, e cila ishte një grua zeshkane shumë tërheqëse me flokë të gjatë, një fytyrë të bukur dhe një figurë e mrekullueshme” – shkruan Grisham, sipas një fragmenti të botuar në ‘New York Times’.
“Ajo vazhdoi të më thoshte se dyshonte se gruaja ishte zgjedhur nga Putini posaçërisht për të tërhequr vëmendjen e presidentit tonë”, vijon ajo.
Mediat ruse më vonë identifikuan përkthyesen në atë takim si Daria Boyarskaya e Ministrisë së Jashtme. Fotografitë e saj janë publikuar nga shumë media në mbarë botën pas publikimit të teorisë së çuditshme.
Marrëdhënia e Trump me Putin ishte subjekt i histerisë gjatë mandatit të ish-presidentit amerikan si udhëheqës, veçanërisht pasi agjencitë e inteligjencës amerikane arritën në përfundimin se Moska kishte nisur një fushatë për të ndihmuar Trumpin të fitonte zgjedhjet e vitit 2016.
