Tropojë, kapet një 57 vjeçare e dënuar me 15 vite burg nga Gjykata e Apelit. Gjyle Hajdaraj ishte shpallur në kërkim për trafikim personash.
“Specialistët për Hetimin e Krimit në Komisariatin e Policisë Tropojë, bënë kapjen dhe ndalimin e shtetases së shpallur në kërkim, konkretisht: Gjyle Hajdaraj, 57 vjeçe, banuese në Bajram-Curri, Tropojë.
Kapja dhe ndalimi i saj u bë pasi, Gjykata e Apelit për Krimet e Rënda me vendim Nr.87, datë 06.09.2016, ka lenë në fuqi vendimin Nr.78, datë 01.06.2016, të Gjykatës së Shkallës Parë për Krimet e Rënda e cila e ka dënuar me 15 vjet burg për veprën penale ‘Trafikimi i personave’”, thuhet në njoftimin e policisë.
