Shefi i policisë së qytetit japonez të Nara tha se ai “merr përgjegjësinë” për vrasjen e ish-kryeministrit të Japonisë, Shinzo Abe.
“Pasi raportimi i parë i incidentit erdhi në orën 11:30 dhe situata u zbulua, ishte kulmi i fajit dhe keqardhjes që kam ndjerë në 27 vitet e mia në zbatimin e ligjit,” tha shefi i policisë Tomoaki Onizuk në një konference për shtyp, raporton CNN.
Videoja e atentatit të premten tregoi mungesë vëmendjeje ndaj Abe-s teksa ai mbante një fjalim në fushatë përpara zgjedhjeve parlamentare të së dielës.
“E ndiej peshën e përgjegjësisë sime,” vazhdoi Onizuka i emocionuar. “Nuk mund të mohojmë se ka pasur probleme me planin e sigurisë duke pasur parasysh se si përfunduan gjërat.”
Abe u vra në një akt të rrallë dhune politike për Japoninë. Abe, një nacionalist i vendosur dhe antikomunist, ka punuar ngushtë me Shtetet e Bashkuara.
