Është arrestuar shoferi i cili vetëm pak pas mesnatës së djeshme shkaktoi një aksident të rëndë në qytetin e Durrësit.
Raportohet se i arrestuari është F. T., 37 vjeç. Ky person sipas policisë ishte në gjendje të dehur dhe për pasojë ka humbur kontrollin e makinës dhe ka përplasur 5 makina të tjera që ishin të parkuara.
Ngjarja ndodhi në rrugën “Taulantia”, Durrës, ndërkohë u raportua se shoferi që shkaktoi aksidentin u largua nga vendi i ngjarjes, por sot është arrestuar nga policia.
