Në portin e Barit, në Itali janë kapur 500 litra nga pija e preferuar shqiptare, rakia. Sasia e konsiderueshme e rakisë vinte nga Shqipëria dhe është kapur nga autoritetet italiane gjatë ditës së djeshme, pa asnjë dokumentacion shoqërues për kalimin e tij në kufi.
Sipas mediave italiane, sasia e madhe e rakisë është kapur gjatë një kontrolli rutinë nga Guardia di Finanza, në një autobus i cili po zbriste nga trageti. Gjatë kontrollit të kryer janë gjetur 85 shishe plastike, të cilat ishin fshehur në një ndarje në brendësi të autobusit.
Shoferi i autobusit është gjobitur dhe sasia e rakisë së gjetur në autobus është sekuestruar.
