Kofi Annan, ish-Sekretari i Përgjithshëm i Kombeve të Bashkuara, që fitoi çmimin Nobel për Paqen për punë humanitare, sot ka ndërruar jetë në moshën 80-vjeçare.
Annan ishte i pari afrikan i zi që mori detyrën e lartë, duke shërbyer nga viti 1997 deri në vitin 2006 në krye të organizatës ndërkombëtare më të rëndësishme në Glob.
Më vonë ai shërbeu si i dërguar special i OKB në Siri, duke u përpjekur që të gjendet një zgjidhje për konfliktin. E ashpër
Por për ata që nuk e kujtojnë Annan ka vizituar edhe Shqipërinë në ditët e vështira të vitit 1999 kur kishte plasur genocidi serb në Kosvë.
Më 20 maj të vitit 1999 ai mbariti në Kukës, ku vizitoi kampet e refugjatëve kosovarë.
“Kam dëgjuar histori prekëse nga kosovarët që janë dëbuar nga shtëpitë e tyre dhe janë në ankth”, tha ai.
Ai megjithatë vlerësoi gjendjen e kampeve dhe mikpritjen, që u rezervua për kosovarët.
“Kjo tregon butësinë e shpirtit njerëzor,” deklaroi atëherë ai për mënyrën se si populli I Kukësit priti vëllezirit shqiptarë të Kosovës.
