Marek Jankulovski mendon se në një apo tjetër mënyrë, Kaka do të ishte një ndihmesë e madhe për Milanin.
Ish mbrojtësi i Milanit, Marek Jankulovski, ka këshilluar klubin që të rikthejnë Kakan.
Nuk bëhet fjalë që të luajë, pasi Kaka tashmë do t’i varë atletet. Por, ai mendon se braziliani mund të ndihmojë shumë edhe me një post në klub.
“Një lojtar si Kaka, me një histori të mrekullueshme në futboll, nëse merr një post në klub, kjo mund të jetë vetëm pozitive”, tha ai për “MilanNews”.
“Do të ishte shumë e rëndësishme për klubin të ketë një njeri si Kaka, që do të jetë avantazh për Milanin çfarëdo rroli që merr ai”.
“Ai është fitues, inteligjent dhe do të ishte bukur për Milanin ta ketë në klub. Por, Kaka duhet të vendosë çfarë do të bëjë në të ardhmen”, theksoi mes tjerash ish mbrojtësi i Milanit.