Xheje Dunga, nënë e një vajze, ka akuzuar ish-bashkëshortin dhe ish-vjehrrën e saj se e kishin detyruar që të prostituonte. Akuzuesja rezulton se në janar të vitit 2016 është arrestuar bashkë me një grup trafikantësh për trafikim të lëndëve narkotike dhe prostitucion.
Nga ky grup trafikantësh u arrestuan 13 persona. Pas procesit gjyqësor, gjykata italiane i la të drejtën e prindërimit për vajzën e mitur ish-bashkëshortit të saj, Dritan Kulla. Ky i fundit ka kërkuar ndihmën e emisionit “Shqipëria Live” për të hedhur poshtë të gjithë akuzat që i janë bërë nga ish-bashkëshortja për të dhe nënën e tij në emisionin “E diela shqiptare” në TV Klan.
Dritan Kulla ishte sot në lidhje “Skype” me emisionin “Shqipëria Live” ku u shpreh se Xheje ka qenë 17 vjeçe kur e ka rrëmbyer.
“Në momentin që e kam rrëmbyer, kam shkuar te rajoni numër katër dhe i kam thënë, kam rrëmbyer bashkëshorten që e dua. Më pyetën a e do, e kur thashë po, ata më thanë që të shkojmë. Familja nuk i fliste për një muaj, bashkëshortja mbeti shtatzënë. E kur ishte shtatzënë ajo merrte disa ilaçe, është dëshmitar edhe djali i xhaxhait të saj”, tregoi ai.
Ku e ke njohur?
Kam pasur një shoqe që flisja në telefon, kunata e dajës së Xh. Ajo punonte te një fabrikë peshku. U njohëm, ngeli shtatzënë dhe lindi vajza.
Kur bëri vajza 6-muajshe ajo iku te nëna e saj. Me thënë të drejtën ndoshta ekonomia, ndoshta nuk i kam plotësuar kushtet. Merresha me muzikë, kam punuar te mobiliet një periudhë, shisnim dhe blinim mobilie. Nuk jam marrë asnjëherë me punë të paligjshme.
Çfarë ndodhi pasi iku?
E mora se e doja, plus edhe fëmija, se shkonte dopio dashuria. Qëndroi një muaj, madje nuk më la as gocën që ta shoh. Doli nëna e saj kur shkova me e taku. Goca më pa në dritare dhe nisi të qante. I thashë më le të puth e përqafoj, por s’më la Elvira ta takoj. Edhe fqinjët i thanë që të më linin ta takoja, në 2012. E kam takuar gocën pas 2 muajsh, kur ajo ishte 1 vjeçe. Pastaj jetuam te shtëpia e nënës time, me qira.
Shkoi goca 1 vjeç e gjysmë. Më thotë më ço te mami, e kur shkuam ishte vetëm nëna e saj. Unë shkoj për të pirë ujë, e binte telefoni. Unë isha pak xheloz, ra telefoni i Elvirës. Unë e pashë, ishte numër italian. E hapa e dëgjoj zërin e djalit që ka qenë i lidhur Xhei.
I thirri Elës, e njoha dhe ja dhashë telefonin asaj. Ajo e pa numrin, e fiku dhe u zverdh. Xhei nuk pranoi të kthehej në shtëpi. Ajo më ka tradhtuar me këtë djalin në Itali.
Xhei është ndaluar në vitin 2016?
Kur është arrestuar ka telefonuar shoqen e saj dhe i ka kërkuar që të shkonte te mami im, që ajo ti dërgonte disa rroba. Mami më mori në telefon duke qarë, e më tha se çfarë kishte ndodhur. Mami shkon dhe i dërgon rroba te drejtoria e policisë dhe e kanë pyetur se kush je ti? Kur i ka thënë ish-vjehrra, polici ishte habitur se si shkonte ajo.
Nuk është e vërtetë se çfarë ka thënë Elvira. Duke me e lënë gocën te nëna jote më tha, se unë jetoj në Itali. Unë i thashë ma jep vajzën me prokurë dhe e shikon kur të duash, meqenëse edhe ajo do vinte në Itali. Bëra prokurën, mora gocën.
Kam regjistruar menjëherë gocën në kopsht, këtu në Itali. Pasi e regjistrova vajzën, ajo më merr në telefon e më thotë se po blinte shtëpi në Shqipëri. Xheja në Itali ushtron prostitucion. Kam video të ndryshme, në diferenca 4-5 muaj nga njëra-tjetra.
Ajo ka nisur këtë punë që në vitin. Aktualisht ajo ka një tutor. E njoh tutorin e parë që e ka nxjerrë në rrugë dhe njoh atë që ka tani.
