Ish-portieri i Juventus dhe i përfaqësueses së Italisë ka shprehur opinionin e tij në lidhje me çështje të ndryshme që i përkasin klubeve elitare të Seria A, duke nisur nga skuadra e Allegri: “Nuk besoj se kanë më pak kualitet se Real Madrid, përkundrazi, besoj se janë më të fortë në letër. Por kjo nuk do të thotë se do të fitojë. Dybala mund të luaj si Isco dhe të ndihmojë CR7. Goli i munguar i Ronaldos në debutim? Nuk ka rëndësi se kush shënon te Juventus”.
Përveç asit portugez, transaksioni më i rëndësishëm i merkatos së verës në Itali ishte transferimi i Higuain nga Juventus te Milan: “Nuk ka lidhje fare me Benzema, që është i aftë të luajë në të gjithë frontin e sulmit. Higuain zotëron vetëm pozicionin qendror”. Në përfundim, Zoff ka folur edhe për Napolin e Inter, skuadra që kanë nisur sezonin në mënyrë të kundërt: “Hamsik organizator? Ka këmbët për të luajtur në atë pozicion, ka edhe eksperiencën e duhur. Inter? Është shpejt për të thënë nëse është anti-Juve. Potenciali në skuadër ekziston dhe është i lartë, më pas mund të ndodhë edhe që të humbasë ndeshjen debutuese”.