Dalldia e rrjetit kundër Edi Ramës për takimin e radhës të zhvilluar në Shqipëri me Presidentin e Serbisë Aleksandër Vuçiç për Minishengenin Ballkanik, ka marë nota groteske. Sali Berisha madje e paska quajtur Edi Ramën, Esat Toptanin e Ri.
Këto orë gjithkush po gërryen fundin e kazanit, për të gjetur çdo gjë për tia faturuar Edi Ramës se nuk kishte përkrah në Tiranë Presidentin e Kosovës. Por çuditërisht, askush nuk po kujtohet që të shohi atë që u rri para syve.
Hashim Thaçi vetëm 6 muaj më parë në emisionin “Open” në ToAlpeNewsp Channel, foli gjatë e gjerë për Sali Berishën, si “argat të Millosheviçit prej 3 dekadash. Ai bën përçarësin e politikës shqiptare, përqafon idetë antikombëtare dhe pengon të ardhmen zhvillimore të Shqipërisë”.
“Berisha është argat i Sllobodan Millosheviçit prej 3 dekadash, bën përçarësin e politikës shqiptare, përqafon idetë antikombëtare dhe pengon të ardhmen zhvillimore të Shqipërisë”, theksoi Thaçi.
Sipas tij, Berisha ka qenë gjithmonë që Kosova të jetë në autonomi kulturore nën Serbinë. “Ai ka pasur vullnetin dhe ka treguar angazhim që Kosova të mbetet nën Serbi”, shtoi Thaçi, duke akuzuar se “Sali Ramë Berisha ka furnizuar Millosheviçin me kallashnikovë që të vazhdonte gjenocidin në Kosovë”.
Mjafton të kërkoni në google me “ju rrëfej si e ndihmonte Berisha, Millosheviçin të vriste shqiptarët e Kosovës”, për ta ridëgjuar edhe njëherë Hashim Thaçin, se mbase u rifreskohet kujtesa. E shkuara e Kosovës, as nuk ndryshon dot e aq më pak të mund të blihet me hallet politike të dikujt sot në Tiranë, që po sponsorizon këtë furtunë virtuale në gotë.
Alpenews.al
