Ministrja e financave Anila Denaj ka publikuar të dhënat për investimet e huaja në Shqipëri ku ajo i quan një rekord historik.
Ajo ka postuar të dhnat me shifra ku thekson se: Investimet e Huaja Direkte në Shqipëri u rritën me 7.3% për 9 mujorin e vitit 2019, duke arritur shifrën e 810 mln Euro, çka konfirmon projeksionet e qeverisë që ky vit të tejkalojë totalin e 1 Miliard Euro.
Postimi i ministres së financave Anila Denaj:
Sipas të dhënave statistikore të Bankës së Shqipërisë, vendi ynë arrin nivelin më të lartë historik të investimeve të huaja! Investimet e Huaja Direkte në Shqipëri u rritën me 7.3% për 9 mujorin e vitit 2019, duke arritur shifrën e 810 mln Euro, çka konfirmon projeksionet e qeverisë që ky vit të tejkalojë totalin e 1 Miliard Euro. Gjithashtu, vetëm për tremujorin e tretë të 2019, IHD regjistruan vlerën +272.2 mln Euro, ose +1.3%, krahasuar me +268.6 mln Euro në tremujorin e tretë të 2018.
