Ditën e djeshme në Liqenin e Ohrit, duke nisur nga fshati Lin e deri në Tushemisht janë hedhur 600 mijë rasatë korani vetëm në fazën e parë.
Pritet që në fazën tjetër kur rasati i koranit të jetë gati, me peshën e caktuar 10 do të hidhet sërish në liqen, për mos zhdukjen e peshkut të koranit.
Brenda vitit në liqenin e Ohrit hidhen 1 milion e 700 mijë ose edhe më shumë rasat, i cili kap dhe shifrën deri në 2 milionë.
Ky rasat rritet në disa vaska të cilat ndodhen në fshatin Lin, ku vezët e rasatit mblidhen nga peshkatarët që kapin peshkun e koranit, mbahen aty për afro 9-10 muaj dhe më pas hidhen në liqen.
Burimet për AlpeNews bëjnë me dije se ky është një investim nga qeveria, të cilët me fondet e tyre po punojnë për mirëmbajtjen dhe zhvillimin e kësaj ekonomie të rëndësishme për zonën e Pogradecit por jo vetëm.
AlpeNews ju sjell videot kur puntorët që kujdesen për rritjen dhe zhvillimin e tij e hedhin në liqen për mos zhdukjen e kësaj specie endemike i cili rritet vetëm në liqenin e Ohrit.