Albert Veliu, i konsideruar si ‘bashkëpunëtori X’ ka përfunduar dëshminë e tij në Prokurorinë e Krimeve të Rënda ku ka qëndruar për rreth 5 orë.
Gazetarja Klodiana Lala raporton për “BalkanWeb” se ‘bashkëpunëtorit X’ që shfaqet në audio-përgjimin ku implikohet Agron Xhafaj, vëllai i ministrit të Brendshëm i janë marrë kampionë zëri për të bërë krahasimin dhe vërtetësinë e audio-përgjimit.
Gjithashtu Prokuroria e Krimeve të Rënda pritet të marrë edhe dëshmitë e personave të tjerë, siç është ajo e personit që ka intervistuar ‘bashkëpunëtorin X’ Albert Veliu i cili thuhet se është gazetari Jetmir Olldashi.
“Prokuroria do të marre në pyetje edhe personin që ka intervistuar bashkëpunëtorin X që sipas PD thuhet se është gazetar.
Gjithashtu do pyeten edhe personat që përmenden në audio- përgjim.
Më vonë do vërtetojmë nëse Albert Veliu i ka qëndruar të gjitha dëshmive të bëra edhe në videon e publikuar nga PD”- tha gazetarja Klodiana Lala.
