Intervista e Ermal Metës dhënë 7 vite më parë ku me grupin ‘La fame di Camilla’ u prezantua për herë të parë në Festivalin e Sanremos në Itali.
Kush është Ermal Meta?
Djalë 28 vjeçar lindur ne qytetin e Fierit.
Jam diplomuar në lice shkencor dhe aktualisht student universitar për gjuhë të huaja.
Studimet i kam lënë pak mënjanë per motive muzikore ne 4-5 vjetët e fundit.
Kur dhe si ka lindur grupi “La fame di Camilla”?
Grupi lindi rastësisht në 2007-ën nga një takim i papritur midis pjestareve te grupit. Kemi shije artistike te perbashkëta dhe këtë e kuptuam menjeherë.
Cili ka qenë suksesi juaj i parë?
Fituam një konkurs dhe morem pjesë në një festival të rëndesishëm. Kishim vetëm 2 muaj që kishim nisur rrugëtimin sëbashku.
Pas disa ditësh do të debutoni në San Remo, si e keni pritur këtë eksperiencë?
Nuk kishim shumë shpresa sepse në gare morën pjesë 998 artistë. Jemi shumë krenarë për këtë mundësi të rëndësishme. Unë jam dyfish krenar që një pjesë e Shqiperisë do të jetë në atë skenë.
Qëllimi juaj është një cmim apo thjeshtë jeni të kënaqur nga pjesmarrja?
Cmimi per ne është pjesmarrja, Sanremo është piedestal për artistët italianë.
Cfarë hobesh keni?
Më pëlqen sporti, kinemaja, librat.
Kush janë këngëtarët më të preferuar për ju? Po shqiptarë?
Ka shume grupe dhe artiste qe preferoj.
Radiohead, Sigur Rós, Death cab for cutie, kashmir, Muse, Coldplay, Björk, etj.
A do të bashkëpunonit me ndonjërin prej tyre?
Me te gjithe ata qe permenda 🙂
Çfarë bën Ermali në kohën e lirë?
Ne kohen e lire studjoj muzike.
E ndiqni politikën shqiptare?
Aspak.
A mendon Ermali të merret me politikë?
Politika eshte shume larg nga muzika, për momentin preferoj muzikën.
Kush eshte obiektivi, endrra juaj?
Ne enderrojme te bejme muzike bashke per shume vjet..30!
A ju mungon Shqipëria?(cfare ju mungon me shume)
Shqipëria më mungon, më mungojnë tingujt, ngjyrat, gjuha shqipe në çdo vend!
Kush është Ermali për miqtë e tij, po për familjen?
Per miqtë Ermali është një djalë i besuar dhe krenar. Për familjen është diçka më shumë, për Ermalin familja është çdo gjë.
Jeni ndier ndonjehere viktime e ndonje situate rraciste?
Disa herë, janë gjëra që i përkasin të kaluarës.
Autorja e intervistës, është sot gazetare në Bruksel. Shtatë vjet më parë, vazhdonte studimet në Itali, ku edhe e ka realizuar këtë bashkëbisedim. Sot kishte kortezinë që ta rinxirrte nga arkiva e saj, për ta rindarë ekskluzivisht, me lexuesit e Alpenews.al.
Përgatiti: Aurora F. Allushaj