Interi ka nisur bisedimet për mesfushorin e Romës, Radja Nainggolan, dhe atë të Cagliarit, Nicolo Barella, të cilët ndajnë agjentin e njëjtë.
Gazzetta dello Sport raporton se drejtori sportiv i Interit, Piero Ausilio, u takua me Alessandro Beltramin – i cili i përfaqëson të dy, Nainggolanin dhe Barellan – të enjten, transmeton Gazeta Express.
Megjithatë, gazeta italiane paralajmëron se “Zikaltrit” duhet patjetër t’i arkëtojnë 40 milionë euro para përfundimit të qershorit nëse duan të shpenzojnë shuma të tilla në dyshen.
Belgu ka kohë të gjatë që lidhet me një kalim te Interit, duke qenë se ka punuar nën urdhrat e Luciano Spallettit te Roma.
Ndërsa 21-vjeçari i Cagliarit konsiderohet si një ndër futbollistët me të ardhme të ndritur në futbollin italian.