Interi dhe Atalanta kanë publikuar tashmë formacionet zyrtare për ndeshjen e radhës në kampionatin italian, Serie A, ku portieri shqiptar Etrit Berisha është titullar te mysafirët.
Nerazzurrët janë nikoqir të Atalantas në ndeshjen e vlefshme për javën e 13-të të kampionatit italian.
Skuadra e Luciano Spallettit për përjeton një super fillim sezoni pa asnjë humbje deri më tani, por në ndeshjen e fundit kanë barazuar në shtëpi dhe duan t’i kthehen fitoreve.
Të dy trajnerët kanë vendosur të startojnë me formacionet më të mira të mundshme për këtë ndeshje, por te Interi ka një ndryshim me Davide Santonin në vend të Yuto Nagatomos, ndërsa te mysafirët titullar është portieri i kombëtares shqiptare, Etrit Berisha.
Inter: Handanovic; D’Ambrosio, Miranda, Skriniar, Santon; Vecino, Gagliardini; Candreva, B.Valero, Perisic; Icardi.
Atalanta: Berisha; Toloi, Palomino, Masiello; Hateboer, de Roon, Cristante, Kurtic, Castagne; Ilicic, Gomez
