Nëse Bashkimi Evropian (BE) lë vakum në Ballkanin Perëndimor, atëherë edhe forcat tjera që nuk i ndajnë vlerat demokratike të Unionit, do Të mbushin atë vakum, ka deklaruar sekretari shtetëror për Evropë në Ministrinë gjermane të Punëve të Jashtme, Michael Roth. Ai shton se BE nuk e mban fjalën e saj, kjo do të çojë në ringjalljen e forcave nacionaliste duke dëmtuar kështu sigurinë dhe stabilitetin e BE.
Ai ka shprehur zhgënjim që nuk ka progres në integrimin e vendeve të Ballkanit Perëndimor gjatë kohës së kryesimit të Gjermanisë me BE-në në gjashtë muajt e kaluar.
Handelsblat ka shtuar se forcat si Rusia, Kina dhe Turqia janë të interesuara për rajonin dhe po vëjnë ♪5do gjë për të rritur influencën e tyre atjo, tanimë nënpërmjet vaksinës.
“Nëse BE lë vakum në Ballkanin Perëndimor, atëherë edhe forcat tjera që nuk i ndajnë vlerat demokratike të Unionit, do të hyjnë në atë vakum nga arsye gjeostrategjike. Ne po i qëllojmë vetes në këmbë”, ka thënë Roth.
Ai ka thënë se hezitimi i BE-së interpretohet si dobësi në botë ku autoritarizmi bëhet më i fuqishëm, ndërsa demokracia është nën presion të madh.
“Kjo është tragjedi për vendet e Ballkanit. BE patjetër të jetë më e pranishme në perceptimin emotiv të popullit. Jo që të mund të godasim mbi supe. Në fund, ai është depërtim i Evropës në konkurrencën sistemore me forcat autoritare që do të ankorohen në mes të Evropës”, ka shtuar Roth.
Ai është i bindur se BE do të ndërmarrë hapa të rinj gjatë presidencës së Portugalisë në gjysmën e parë të vitit dhe më në fund do të arrihet mbajtja e konferencave të para ndërqeveritare me Maqedoninë e Veriut dhe Shqipërinë, të cilat janë shtyrë disa herë.
Politikani gjerman gjithashtu beson se të rinjtë po largohen nga rajoni sepse nuk shohin një perspektivë, duke vlerësuar se është një tragjedi për vendet e Ballkanit, të cila, shton ai, tashmë nuk kanë mjekë, infermierë, ekspertë dhe inxhinierë.
