GJKKO ka shpallur vendimin për të pandehurit e inceneratorit të Tiranës.
Gjykata e Posaçme ka vendosur 3 vite burg për Lefter Kokën, që ulet në 2 vite për shkak të gjykimit të shkurtuar.
Dënimi ndaj Kokës për këtë çështje shuhet pasi është shlyer prej periudhës së qëndrimit në paraburgim. Por ish-ministri i Mjedisit nuk përfiton lirinë pasi ndaj tij rëndojnë akuzat edhe dosjet e tjera të inceneratorëve.
Sa i takon ish-zyrtarëve të tjerë të pandehur të kësaj çështje, GJKKO ka dënuar me 2 vite burg Taulant Tushën, ish-drejtor i Punëve Publike në Bashkinë e Tiranës.
Gjithashtu, me 2 vite burg janë dënuar edhe Bledar Karoli, Erjon Murataj, Namik Simixhiu e Valbona Ballgjini me këtë të fundit që i konvertohet në shërbim prove.
I vetmi që ka përfituar pafajësi ka qenë Jetmir Llapaj.
Vendimi i GJKKO
Lefter Koka – 2 vjet burg
Bledar Karoli – Dënohet përfundimisht me 2 vjet
Erjon Murataj – 2 vite burgim
Taulant Tusha – 2 vite burgim
Namik Simixhiu – 2 vjet burgim. I hiqet e drejta për të ushtruar funksione publike 5 vjet
Valbona Ballgjini – 2 vite burgim (Pezullohet dënimi dhe vihet në shërbim prove)
Jetmir Llapaj – Pafajësi
