Gjykata e Lartë ka refuzuar të ndryshojë vendimin e Apelit të GJKKO-së për dosjen e inceneratorit të Elbasanit. Sipas dokumentit trupi gjykues ka vendosur lënien në fuqi të dënimeve për ish-ministrin e Mjedisit Lefter Koka.
Në dhomën e këshillimit, Gjykata e Lartë ka vendosur të mos pranojë rekursin, duke lënë të paprekur vendimin e Gjykatës së Posaçme të Apelit për Korrupsionin dhe Krimin e Organizuar të datës 8 Nëntor 2024.
Vendimi i Gjykatës së Lartë:
“Lënien në fuqi të vendimit nr. 43 (87-2024-321), datë 08.11.2024, të Gjykatës së Posaçme të Apelit për Korrupsionin dhe Krimin e Organizuar.”
Të gjithë emrat e përfshirë në vendim:
Përveç ish-ministrit Lefter Koka dhe Alqi Bllakos, vendimi i Gjykatës së Lartë rrezoi rekurset dhe la në fuqi dënimet edhe për personat e tjerë të përfshirë në këtë proces, konkretisht:
Pëllumb Abeshi
Bardhyl Cabiri
Serafin Papa
Jonida Zeqo
Mirel Mërtiri (në mungesë)
Stela Gugallja (në mungesë)
Klodian Zoto (në mungesë)
Si dhe për dy subjektet juridike, shoqëritë “ALBTEK ENERGY” SH.P.K dhe “INTEGRATED TECHNOLOGY SERVICES” SH.P.K.
