Në sfidën e luajtur mes Huddersfield dhe Manchester United, e fituar 2-0 në transfertë nga lojtarët e Mourinho-s, falë dygolëshit të Romelu Lukaku, i është anuluar një gol Juan Mata-s për një pozicion jashtë loje. Në Kupën e Anglisë mund të përdoret “VAR” dhe imazhet e përdorura kanë bërë xhiron e botës. Po, sepse siç mund të shihet në fotografi, vijat lënë shumë për të dëshiruar: nuk janë të sakta, nuk janë bindëse dhe nuk janë të drejta. Pas disa minutash, Kevin Friend, arbitri i ndeshjes, ka vendosur të anulojë golin (gjuri i spanjollit duket se është përtej mbrojtësit të fundit). Ndërkohë, imazhet e para në televizor me vijat e “VAR” e jepnin golin të rregullt.
