23-vjeçarit Florenc Beqirajt i është dhënë lamtumira e fundit ditën e sotme nga familjarët dhe të afërmit në Shkodër.
I riu ndërroi jetë në një spital në Francë, pasi dyshohet se u dhunua në një burg në Marsejë disa ditë më parë. Për këtë ngjarje të rëndë ka pasur shumë aludime si nga familjarët po ashtu edhe nga opinion publik, edhe pse deri tani nga autoritetet franceze është thënë se ai ka varuar veten.
Ndërsa, një ditë më parë imami i Xhamisë së njohur në Tiranë, e quajtur Dine Hoxha, Ahmed Kalaj, i ka kushtuar një status të gjatë të riut nga Shkodra në profilin e tij në ‘Facebook’. Ajo që të bën më shumë përshtypje në reagimin e tij, është gjuha e ashpër e përdorur nga imami dhe sidomos ndaj mediave.
“Allahu i Madheruar e marrte hakun tend o vlla se keta e diten lajmin tend po nuk e bene lajm; e diten hallin po stu gjenden prane, priten te vdisje te beheshe lajm; priten te vdisje te fillojne hetimet. Ata qe mbi ty vune dore paçin terhequr pas gjynahet e tua edhe mallkimin e Zotit.
Mediat qe s’te bene lajm u befshin vetë lajm. E ata qe sta zgjidhen hallin e paten mundesi qe ta zgjidhin hallin Zoti i mbushte me halle. Ti ike nga kjo bote e inshallah je te Zoti deshmor; le nje bote te mbushur me felliqsi e plehra; do Zoti pastrohen po pa te tjera “kurbane”., -shkruan ai në profilin e tij në ‘Facebook’.
Është e çuditshme në fakt, sesi njeriu i Zotit, përdorë këtë gjuhë të ashpër ndaj mediave, dhe sidomos kur media në këtë rast, ka qenë e para që ka reaguar për këtë ngjarje të rëndë.
