Në një sondazh që po kryhet nga “Tuttomercatoweb”, për të zgjedhur drejtorin më të mirë sportiv në kampionatin italian, është pikërisht shqiptari Igli Tare, i cili drejton ekipin e Lacios, ai që po kryeson sondazhin, i cili ende vijon.
Edhe pse klasifikimi është ende provizor, ai kryeson bindshëm, me 33.82% të votave, shifër e cila bëhet e ditur nga vetë portali italian. Tare ka lënë pas Masimiliano Mirabelin e Milanit, apo edhe një emër të njohur si Xhuzepe Marote nga radhët e Juventusit.
Tare është vlerësuar nga lexuesit e këtij portali, për punën e mirë që ka bërë me drejtimin e skuadrës së Lacios, veçanërisht për formën fantastike që ekipi po tregon në këtë sezon, në Seria A dhe Europa Ligë.
