Mëngjesin e sotëm në buzë të lumit Shkumbin është gjetur një kufomë mashkulli. Trupi i pajetë është gjetur nga punonjësit e Landfillit, në fshatin Katund i Ri në Elbasan.
Në vijim të veprimeve, shërbimet e policisë kanë identifikuar kufomën që i përket shtetasit Elton Terolli, 41 vjeç banues në Elbasan i cili prej një periudhe të gjatë vuante nga “çrregullimi skizofrenik “.
Njoftimi i policisë:
Më datë 29.03.2018 rreth orës 10:45, në fshatin Katundi i Ri Elbasan, në buzë të Lumit Shkumbin nga punonjësit e Landfillit është gjetur një kufomë e gjinisë mashkullore rreth 50 vjeç.
Shërbimet e policisë, ndodhen në vendngjarje dhe po punojnë për identifikimin e viktimës. Nga veprimet e para nuk janë konstatuar shenja dhune dhe mendohet të jetë mbytur në ujë.
Policia po punon për sqarimin dhe dokumentimin e plotë të ngjarjes.
