Kapiteni i Interit, Mauro Icardi, ka thënë se nuk do të jetë pjesë e futbollit në moshën 40-vjeçare si Francesco Totti. Sulmuesi i zikaltërve po shkëlqen këtë sezon në Serie A. Ai ka realizuar 11 gola në 10 ndeshje.
Icardi, që u transferua tek Interi në vitin 2013 nga Sampdoria, shpreson të fitojë tituj me zikaltrit, ndërsa paralajmëroi se nuk do të jetë pjesë e futbollit në moshën 40-vjeçare, duke marrë shembull ikonën e Romës, Tottin, që u largua sezonin e kaluar, ndërsa sot qëndron si drejtor në shkallët e stadiumit.
“E shoh vetën këtu, dua të qëndroj tek Interi sa më gjatë”, tha fillimisht Icardi.
“Dua të fitoj diçka me këtë fanellë, por nuk do të jem në futboll në moshën 40-vjeçare. Nuk jam si Totti. Nuk do të bëhem trajner apo drejtor, nuk mendoj se më pëlqejnë këto role. Mendoj se do të jem vetëm baba, në shtëpi, pranë familjes sime”, theksoi Icardi.
