Ibrahimovic ka gjetur kohë të bëjë shaka pas triumfit të Anthony Joshuas.
Anthony Joshua është rikonfirmuar kampion i botës në peshat e rënda në boks pasi e mposhti boksierin nga Kameruni, Carlos Takam, në një meç të zjarrtë në Cardiff, shkruan Gazeta Express.
Në këtë meç të zjarrtë ishte i pranishëm edhe sulmuesi i Manchester United, Zlatan Ibrahimovic, i cili bëri shaka kur u pyet se për sa para do të luftonte me Joshuan.
“Më duhet të mësoj nga ai, por nëse ai dëshiron të mësoj se si të godasë apo stilet tjera të Bruce Lee, mund ta mësoj”, u shpreh Ibra pas meçit.
“Gjyqtari ndërpreu meçin? Ai di më mirë se 70-80 mijë të pranishëm në stadium, ai është për atë punë dhe duhet t’i mbrojë boksierët. Në fund mori fitoren Joshua dhe kjo është me rëndësi”, shtoi Ibra. /Gazeta Express/
