Një emigrant shqiptar në Greqi rezulton i zhdukur prej pesë ditësh.
Familjarët e tij të alarmuar, kanë denoncuar në polici zhdukjen e 46-vjeçarit, i cili jeton dhe punon prej vitesh në ishullin grek Rodos. Siç raportojnë mediet greke, emigranti shqiptar është parë për herë të fundit mbrëmjen e 28 gushtit.
Zhdukja e 46-vjeçarit ka shkaktuar shqetësim të madh te bashkëshortja dhe vëllai i tij, të cilët prej pesë ditësh janë duke e kërkuar atë në vendet ku ai frekuentonte më së shumti.
