Ermal Ngucaj, është 40 vjeçari i cili prej 4 ditësh rezulton i zhdukur. Makina e tij është gjetur e braktisur nga Policia e Vlorës në Mavrovë.
Prindërit e tij, Fejzi dhe Mjaftime Ngucaj janë shprehur se dyshojnë që Ermalin e kanë rrëmbyer shokët e tij, ndërsa kanë zbuluar edhe bisedën e fundit të tij me bashkëshorten. “Djalin ma kanë marrë peng ose e kanë plagosur. Më ka vdekur dhe një djalin. E dua djalin se s’bën në shtëpi, sido që të jetë. Nuk mund ta përballoj dot se dhe një djalë tjetër më ka vdekur. Shteti po përpiqet, u faleminderit, janë vënë në lëvizje”, ka thënë nëna e Ermalit.
Në makinëën e tij, e cila është gjetur e braktisur në Mavrovë Policia nuk ka konstatuar asgjë të dyshimtë. Madje, ajo ka qenë e mbyllur dhe çelësat nuk kanë qenë aty. Në bagazhin e saj janë gjetur atlete dhe disa rroba.
“Unë dyshoj që e kanë rrëmbyer. E kanë gënjyer, e kanë nxjerrë makina dhe mund ta kenë lënduar. Telefonin e ka të ndezur. Telefoni tjetër që përdorte nuk e kishte në makinë”, ka thënë Fejzi Ngucaj, babai i Ermalit.
