Policia e Tropojës ka shpallur në kërkim një person, pasi dyshohet se i ka vendosur flakën një sipërfaqeje pylli.
Sipas Policisë, autori i dyshuar është identifikuar si Shpend Demiraj, ndërsa po punohet për kapjen e tij.
Kujtojmë që prej javësh Shqipëria po përballet me situatë të rënduar të zjarreve. Ministri i Mbrojtjes, Niko Peleshi, në prononcimet në media, ka deklaruar se shumica e vatrave janë të qëllimshme.
Jo më larg se dje, Policia e Shtetit, njoftoi se në 2 javë janë arrestuar 15 persona, të dyshuar si zjarrvënës, ndërsa në kërkim janë shpallur dhe dhjetëra të tjerë.
