Policia e Lezhës ka shpallur në kërkim Ernest Çunin, 57-vjeç pasi dyshohet se ka djegur me benzinë një lokal në fshatin Kalivaç dhe 2 makina.
Ngjarja ka ndodhur rreth orës 00:15, në fshatin Kalivaç, Lezhë, dhe sipas policisë janë djegur me lëndë djegëse (benzinë), lokali dhe 2 automjete të parkuara në afërsi të lokalit, në pronësi të shtetasit P. Gj., 62 vjeç.
Dyshohet se autor është 57-vjeçari, banues në Lezhë, ndërsa po vijon puna për arrestimin e tij dhe të personave të tjerë që mund të jenë përfshirë në këtë rast, si dhe për dokumentimin me prova ligjore të rrethanave.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
