Autoritetet angleze kanë arrestuar një 22 vjeçar shqiptar i cili akuzohet për përndjekje të një të miture vetëm 11-vjeçare.
Bëhet fjalë për shtetasin Erion Sinaj, i cili e kishte parë vogëlushen në një park në Londër dhe pretendonte se kishte ndjenja për të dhe se donte të krijonte një lidhje me të miturën.
Nëna e vajzës rrëfen se Sinaj kishte shkuar disa herë në shtëpinë e tyre, trokiste në derë dhe se qëndronte gjatë natës poshtë dritares së vogëlushes.
Ajo ka treguar se fillimisht kishte dyshuar se Sinaj po planifikonte grabitjen e shtëpisë.
Nëna e vajzës deklaroi se nga shqetësimi që i kishte krijuar i riu, kishte humbu qetësinë dhe se nuk mund të flinte natën nga frika e asaj që mund të ndodhte.
I pyetur nga policia, Sinaj deklaroi se kishte të drejtë të trokiste në derën e asaj shtëpie sepse e kishte vajzën në park dhe i kishte pëlqyer.
22-vjeçari i cili ishte i pastrehë, deklaroi se ai dhe vogëlushja i kishin shprehur dashurinë njëri-tjetrit dhe se askush nuk mund ta ndalonte që të përndiqte 11-vjeçaren.
Krahas dënimit me tetë muaj burg, Sinajt i është shqiptuar edhe masa e ndalimit që të kontaktojë apo vizitojë vajzën apo familjen e saj.
