Policia e Shkodrës ka arrestuar në flagrancë shtetasin Genc Nikshiqi, 37 vjeç, banues në lagjen “Kongresi i Përmetit” Shkodër, pasi gjatë kontrollit në makinën e tij i janë gjetur 15.5 kg lëndë narkotike.
Më poshtë keni njoftimin e policisë:
Më datë 13.05.2018, nga strukturat e D. V. K. M. Shkodër, u arrestua në flagrancë shtetasi:
Genc Nikshiqi, 37 vjeç, banues në lagjen “Kongresi i Përmetit” Shkodër.
Arrestimi i tij u bë pasi në PKK Muriqan, në dalje nga territori i R. Sh. me mjetin tip Benz Furgon, me targa AA591RT, nga kontrolli i ushtruar këtij mjeti janë gjetur dhe sekuestruar në cilësinë e provës materiale 24 pako lëndë narkotike Cannabis Sativa, ku pas peshimit rezultoi me peshë 15.5 kilogram.
Materialet i kaluan Prokurorisë pranë Gjykatës së Shkallës Parë Shkodër, për veprën penale “Trafikim i lëndëve narkotike, e mbetur në tentativë” parashikuar nga neni 283/a/22 i Kodit Penal.
