Presidenti Ilir Meta ishte epiqendra e pyetjeve drejtuar kryetares së LSI-së, Monika Kryemadhi, pas përfundimit të protestës së opozitës joparlamentare. Në një lidhje direkte me emisionin “Opinion”, Kryemadhi u pyet lidhur me jetën familjare, ndërsa ekzistojnë mosmarrëveshjet politike mes tyre, si edhe për konferencën e fundit për shtyp të bashkëshortit të saj, njëherësh President.
Debati:
Blendi Fevziu: Mosmarrëveshjet politike ndikojnë në jetën familjare me Metën?
Monika Kryemadhi: Ndikojnë në familje po si gjithmonë gratë shqiptare i përballojnë me forcë dhe shpresë për t’i ndryshuar.
Blendi Fevziu: Po kritikon Presidentin se s’është shumë i përfshirë në familje?
Monika Kryemadhi: Nënat kujdesen për fëmijët e tyre, baballarët për vazhdimësinë.
Anila Basha: Të erdhi keq që Meta të përmendi pallatin gjatë konferencës?
Monika Kryemadhi: Pallati është aset që vjen si rezultat i pronave të mia. Më vjen keq që Meta më përmend për arsye familjare, çdo gjë e pasurisë sime është e deklaruar.
