Kryeministri Edi Rama i është përgjigjur Ilir Metës për çështjen e Teatrit Kombëtar . ” Kjo punë që nuk më lë të përgjigjem , për një pyetje çarçaf . . . e harroj presidentin me kënaqësinë më të madhe , se nuk dua të bëj polemika me presidentin , por presidenti nuk është as drejtori i Urbanistikës , as kryebashkiak , as kryeministër .
S ‘ ka asnjë tagër të vendosi për kompetenca ekskluzive të të gjitha këtyre instancave .
Ka të drejtën e vet të mendojë ndryshe , të bëjë ato që sheh të arsyeshme brenda kornizës së vet të veprimit por , jo presidenti , por asnjë tjetër që s ‘ ka mandat e kontratë me popullin shqiptar për të bërë detyrat që i takojnë një qeverie e një pushteti vendor , s ‘ ka shans ta ndalojë veprimtarinë e pushtetit ekzekutiv ” , tha Rama në një intervistë me emisionin Opinion .
Rama u përgjigj edhe për deklaratën e kreut të PD – së , Basha , sipas të cilit , Teatri është vija e kuqe . ” Unë besoj që kjo është një temë e ezauruar . Për mua personalisht është një temë , e cila ka shumë vite . Qëndrimi im është prej 20 vjetësh dhe nuk besoj të ketë pasur proces më të gjatë në historinë e këtij vendi .
Ky është një atribut ekskluziv i pushtetit ekzekutiv në qeveri dhe bashki dhe kthimi i një teme me karakter urbanistik në temë politike është vetëm një shterpësi.
Unë nuk kam qenë asnjëherë prej 20 vjetësh me një bindje . Nuk ka asnjë patate të nxehtë , por ka vetëm një proces që zhvillohet .
Bashkia e Tiranës do të ekzekutojë gjithë projektin . Ne nuk e kemi thënë merreni prisheni , por merreni dhe ndërto . Vija e zjarrit sot në Shqipëri , është në spital dhe lufta sot në Shqipëri është lufta për të mbrojtur shëndetin dhe për të garantuar edhe këtë fazë të tillë . Një thirrje e tillë për të marrë në qafë njerëz është papërgjegjshmëri ” , tha Rama .
