Një familje në Vlorë ka denoncuar zhdukjen e djalit të tyre. Sipas familjarëve djali rezulton i zhdukur prej 3 muajsh dhe i bëjnë apel policisë: Na gjeni djalin
Babai, Lutfi Xhaferri thotë se personin në fjalë mund ta kenë rrëmbyer.
Albano Xhaferri rezulton i zhdukur që prej datës 18 qershor
Xhaferri thotë se djali ka humbur që prej 3 muajsh. Djali është Albano Xhaferri. Babai apelon që policia ta gjejë.
Unë jam Lutfi Xhaferri. Djali kishte qenë në Belgjikë dhe u kthye. Kishte gati një muaj, i thashë “Pse erdhe o djalë?”. Më tha “Erdha se më mori malli për fëmijët”. Nuk e gjeta më, se rrinte në shtëpi tjetër dhe vazhdonte punën e tij. Ke ndonjë problem me njeri e pyeta, jo më tha. Se di çfarë pune bënte në Belgjikë. Atë ditë ishte ditë e zakonshme, por se di kush e mori, që nxitoi dhe e mori ta çonte në shtëpi. Erdhi një djalë, një makinë. S’ka marrë as pasaportë, asgjë. Kjo ndodhi rreth orës 10:30, 11:00 e darkës. Thonë për njërin që e mori. Vajti gruaja, bëri denoncimin për 7-8 ditë.
Lutfi Xhaferri, babai i Albano Xhaferrit
