Një grua amerikane, e cila e kishte të konfiskuar telefonin e saj nga agjentët e kufirit pasi u kthye në shtëpi në Shtetet e Bashkuara, paditi agjencinë e mbrojtjes së kufirit të vendit. Rejhane Lazoja u ndalua në aeroportin e Newark, New Jersey, pasi u kthye nga një udhëtim në Zvicër në shkurt.
iPhone-ja e saj u kap nga agjentët pasi ajo nuk pranoi ta hapë celularin për ta. Padia e dorëzuar nga ajo, pretendon se agjentët e kufirit morën një kopje të të dhënave në telefonin e tyre dhe ata nuk u përgjigjën nëse ajo kopje ishte fshirë.
Sipas dokumenteve ligjore, Doganat e SHBA dhe Mbrojtja Kufitare (BKP) e mbajtën telefonin për më shumë se 120 ditë para se ta kthejnë atë te Znj. Lazoja. Ajo pretendon se agjencia nuk arriti të konfirmojë nëse agjentët kishin marrë një kopje të të dhënave të saj dhe nëse këto të dhëna ishin ndarë me ndonjë agjenci tjetër.
Telefoni përmbante fotografi të znj. Lazoja “në një gjendje të zhveshur”, si dhe mesazhe private nga avokati i saj.
“Zonja Lazoja është një grua muslimane dhe mban një hixhab (shami) në përputhje me besimet e saj fetare. Sipas ritualeve të besimit, zonja Lazoja nuk mund të shihet në një gjendje të zhveshur nga burrat që nuk janë anëtarë të familjes,” deklarohet në dokument.
“As nuk kishte ndonjë shkak të mundshëm, as një urdhër për ti marrë telefonin, prandaj kërkimi dhe sekuestrimi i pronës së zonjës Lazoja i shkeli të drejtat e saj sipas amendamentit të katërt”, thuhet në dosje.
Ky do të dëgjohet në një gjykatë të qarkut të Nju Xhersit.
