Joe Biden i ka ‘hedhur më shumë benzinë’ zjarrit të aludimeve se ai do të kandidojë zgjedhjet e ardhshme presidenciale. Ish-zv.Presidenti i ShBA tha përpara një tubimi se ai është kandidatura më e përshtatshme për diçka të tillë, por më pas korigjoi fjalinë duke thënë se ai do të ishte kandidatura më e përshtatshme, në rast se do të vendoste të garonte. Gjithësesi, ky gabim është komentuar gjerësisht në mediat amerikane.
Në një kohë kur 15 kandidatë demokratë kanë bërë të ditur se do të përballen me njëri-tjetrin për të qënë rivalët e Trump në garën presidenciale të vitit 2020, Joe Biden, ka patur një episode që ka lënë interpretime të ndryshme, mes mundësisë së një kandidature të mundshme prej tij.
Gjatë kohës që po ju përgjigjej disa kritikave, Biden tha se ai është kandidatura më e përshtatshme që po garon për zgjedhjet e vitit të arshëm, ndërsa vetëm pas pak castesh, e korigjoi, duke ndryshuar thelbin e fjalisë dhe duke thënë se diçka e tillë nuk është vendosur akoma.
Joe Biden është një nga figurave më të afirmuara të kampit demokrat dhe ka shërbyer si zv.President nën administratën Obama.
Gjthashtu, ai e ka tentuar disa herët në mënyrë të pasuksshme garën presidenciale, në vitet 1988 dhe vitin 2008.
Në kushtet aktuale, Biden shfaqet pozitvisht nga një pjesë e sondazheve. Gjithësesi, vlen për t’u theksuar se demokratët do të kenë një përballje mjaft të fortë në 2020 mes tyre.
Disa prej kandidaturave të tjera dinjitoze janë Bernie Sanders, Elizabeth Warren, Kamala Harris, si dhe shumë kandidatura të tjera.
Çështjet më të ndjeshme që pritet të trajtohen në fushatën e ardhshme presidenciale janë përcarja që sipas demokratëve ekziston në popull, emigracioni dhe kontrolli i armëve.
