Mbremjen e sotme, u bë e ditur se para dy ditësh është vjedhur shtëpia e gjyqtares së Durrësit, Dhurata Bilo.
Vjedhësit kanë përdorur gur fresibel për prerje dhe mesohet se janë vjedhur vlera të konsiderueshme por ende nuk janë deklaruar dhe nuk ka një reagim nga policia.
Gjyqtarja Bilo është lakuar në shumë afera korruptive dhe ka qenë disa herë objekt vlerësimi nga KLD.
Kush është Dhurata Bilo:
Dhurata Bilo është gjyqtare në Gjykatën e Rrethit Gjyqësor të Gjykatës së Durrësit. Në vitin 2015 për këtë gjyqtare është bërë kërkesë nga Ministria e Drejtësisë për procedim disiplinor me masën e shkarkimit nga detyra. Kërkesa është bërë me argumentin për shkelje shumë të rënda të disiplinës.
Ndërsa Bilo ka qenë pjesë e trupës gjykuese që dyshohet se kanë ndryshuar pronësinë e ish-hotel “Vollgës”, një pjesë e të cilës me pas i është dhuruar Emiljano Shullazit nga një shtetas i huaj.
Për këtë gjyqtarja në fjalë dhe tre dy të tjerë janë paditur nga prokuroria e Durrësit në prill të 2016-ës. Por kjo pronë nuk është e para për të cilën implikohet gjyqtarja Bilo, pasi në vitin 2014 disa qytetarë kanë bërë një denoncim në një media lokale. Ata e akuzonin gjyqtaren se me ndihmën e saj i kanë “rrëmbyer” pronën që atyre i takonte ligjërisht.
/AlpeNews.al
