Britania e Madhe që prej disa ditësh është mbërthyer nga një i ftohtë shumë i madh, me temperatura që kanë shkuar disa gradë nën zero.
Autoritetet britanike i kanë bërë thirrje qytetarëve që të kenë kujdes në këto ditë dhe të përgatiten për çdo lloj të papriture që mund të shfaqet gjatë ditëve në vijim.
Ditën e sotme është mbyllur një pjesë e madhe e sistemit shkollor fillor në Britani dhe shumë rrugë ruralë janë të bllokuara.
Të vetmet rrugë transporti që kanë mbetur pa u bllokuar ende janë hekurudhat dhe autostradat kryesore.
Zona më e prekur nga kjo situatë janë rajonet veriore të Anglisë, ku temperaturat kanë shkuar disa gradë nën zero.