Dy shtetas janë arrestuar në flagrancë pasi kanë tentuar të grabisnin banesën e një 37-vjeçari në fshatin Rëmenjë të Pogradecit.
Ka qenë pikërisht TELEFONATA e një qytetari, që bëri të mundur arrestimin në flagrancë të 42 vjeçarit Erjon Ibi i cili në bashkëpunim me një tjetër shtetas tentoi të vidhte një banesë. Policia ka sekuestruar si provë material bizhuteritë e vjedhura në banesë.
AlpeNews.al ju sjell të gjitha rastet kur denoncimet e rasteve nëpërmjet telefonatave dhe ragimi në kohë i policisë , kanë çuar në zbardhjen dhe “kapjen” e autorëve të shumë ngjarjeve.
Një ngjarje tragjike ndodhi në Kamëz ku gjatë një grabitjeje, u vra pronari i një dyqani dhe u plagos gruaja e tij. Policia arriti të zbardhë ngjarjen dhe të prangosë dy autorët e krimit të rend falë TELEFONATËS që njëri nga autorët (Vladimir Kurti dhe Ruzhdi Hodo) i bëri bashkëpunëtorit të tij pas grabitjes duke i thënë “A i fshehe ato se mua me morën në pyetje”. Pas kësaj telefonate policia arriti synimin për të siguruar provën e pakontestueshme dhe zbardhjen e plotë të ngjarjes.
“Hajde se mbaroi”. Kjo ka qenë telefonata e bërë mes dy të pandehurve Neim Avdulaj dhe Admir Çerpja, vetëm dy ditë pas grabitjes së 3.8 milionë dollarëve më 3 dhjetor 2015 në Bankën e Rinasit. Në banesën e Neimit kishte shkuar një person i quajtur A. (pa gjeneralitete të plota) dhe i ka dhënë 5 çanta me lekë.
Menjëherë pas kësaj, nga hetimet e prokurorisë ka rezultuar se Neim Avdulaj ka marrë në telefon Admir Çerpjan dhe i ka thënë:
“Hajde se mbaroi”.
“Kemi lëvizje sot”.
“OK, në rregull
“Doli vajza”
Telefonatat dhe mesazhet edhe pse të koduara midis grupit i kanë fundosur ata deri në zbardhje të plotë të ngjarjes.
Në datën 23.03.2018, rreth orës 03:00, policia lokale u njoftua nga një telefonatë se në lagjen “29 Nëntori” Fier, pranë banesës së shtetasit Minella Muça, disa persona kanë tentuar të hyjnë brenda shtepisë duke thyer drynin e derës. Pas marrjes së njoftimit mbërritën në vendngjarje shërbimet e policisë, të cilët janë përballur me disa persona të maskuar e të armatosur me pistoleta e automatikë, të cilët kanë qëlluar me armë zjarri në drejtim të punonjësve të policisë. Në kushtet e reagimit propocional, nga shkëmbimi i zjarrit, njëri nga autorët 37 vjeç është plagosur dhe një tjetër ka gjetur vdekjen.
Një 23-vjeçar së bashku me një mikun e tij kanë hyrë në një hotel- restorant në zonën turistike të Dhërmiut, dhe kanë tentuar të vjedhin me forcë kasafortën, ku ishin futur të gjitha paratë e biznesit.
Mirëpo, ata janë diktuar nga administratori i biznesit, i cili menjëherë ka telefonuar policinë.
23-vjeçari Mateo Ramo është kapur në flagrancë nga policia teksa tentonte të hapte kasafortën, duke përfunduar në prangat e policisë, ndërsa grabitësi tjetër ia ka mbathur ende pa ardhur uniformat blu.
një nate arriti të kryej 2 grabitje në kazino dhe u prangos në tentativën e tretë.
AlpeNews.al
