Koronavirusi ka treguar që di të jetë surprizues, pasi shpeshherë personat e infektuar shfaqin simptoma të reja, për të cilat edhe mjekët mbeten të çuditur.
I rrallë është rasti i një 42 vjeçareje spanjolle, të cilës simptomat i filluan në 13 mars, por që atëherë vazhdon të ketë shqetësimet që i sjell COVID-19.
“Marr çdo ditë ilaçe, nuk mund të punoj, vuaj nga pagjumësia dhe kam frikë për bashkëshortin dhe djalin e vogël që kujdesen për mua”, thotë ajo për agjencinë EFE, ndërsa shton se ndihet si një 70 vjeçare.
Ajo shpreson që mjekët të arrijnë të gjejnë një ilaç për të mposhtur më në fund virusin:
“Kam provuar trajtime të ndryshme, por asgjë deri tani nuk ka funksionuar. Çdo ditë jam keq, kam 230 ditë radhazi që jam keq, asnjë ditë e mirë”.