Kreu i PD –së , në Gjirokastër Roland Bejko, i ka shkruar një komentuese, e cila ka reaguar tek faqja e Bejkos me një qëndrim kritik ndaj tij.
Më pas kreu i PD -së, në Gjirokastër i ka shkruar në privat, duke përdorur gjuhë fyese.
Gjuha e z. Bejko duket totalisht e papranueshme si dhe duket i dalë jashtë kontrollit.
“Unë jam i dështuari i sat ëme. Të pashë në rrethin e miqve dhe e mora vesh ça synon.
Po të jesh reale do të të hidhja një copë ballgame në surrat ty dhe miqve të tu, që nuk po lini njeri pa përbaltur”, i ka shkruar në privat, Bejko, komentueses.
Kreu i PD në Gjirokastër, ndoshta shikon teori konspirative dhe ëndërra me armiq, por në fakt kritika është kritikë dhe mendimi ndryshe duhet pranuar.
Nuk reagon kryetari i një dege me gjuhë fyese dhe arrogancë ndaj kritikave që i bëhen.
Bejko është një nga themeluesit e PD –së, dhjetorist, ka drejtuar PD, në Gjirokastër në opozitën e parë, por, në zgjedhjet e vitit 2017, PD në qarkun e Gjirokastrës ka marrë rezultatin më të ulët historik.
Së fundmi, Bejko me një lëvizje duke u bashkuar me LSI, kanë krijuar një mazhorancë të dobët në Bashkinë e Gjirokastrës duke tentuar të përmbysin shumicën socialiste.
Kjo nuk zgjati më shumë se 48 orë, pasi një pjesë e këshilltarëve të PDIU dhe LSI iu bashkuan Partisë Socialiste.
Ndoshta, ky është rasti kur Bejko për gjuhën e përdorur dhe sjelljen e tij, ndaj qytetarëve që kanë një mendim ndryshe, duhet të kërkojë një falje publike.
Kreu i PD, Gjirokastër pretendon se ka dhënë dorëheqje nga detyra e tij, por ai është refuzuar nga Basha deri në zhvillimin e analizës dhe një procesi të plotë zgjedhor në Partinë Demokratike.
Ndoshta, Basha në analizë duhet të vërë, edhe etikën dhe sjelljen e drejtuesve ndaj strukurave të PD apo qytetarëve në përgjithësi.(CNA)