Arrestohet Dhimitër Biba, person i dënuar në mungesë me tri vite burg për vepra të ndryshme penale, i shpallur në kërkim nga policia, është vënë në pranga rreth orës 05.00 të mëngjesit të ditës së premte.
Forcat “Shqiponja” e kanë ndjekur të shumëkërkuarin Dhimitër Biba në periferi të Elbasanit por gjatë tentativës për ta arrestuar, ai ka dhunuar një nga efektivët.
Pas kësaj Biba ka arritur t’u shpëtojë “Shqiponjave” të cilat më pas kanë arritur që ta vënë në pranga të shumë kërkuarin.
Burime jo zyrtare bënë me dije se ai ishte pikasur edhe herë të tjera por nuk qe e mundur të arrestohej.
