Naser Pajazitaj, i dënuar me burgim të përjetshëm për vrasjen e Donjeta Pajazitaj është liruar nga akuza për vrasje me vendim të Gjykatës Supreme.
Këtë e kanë konfirmuar edhe nga gjykata në fjalë.
“Ju njoftoj se Kolegji penal i Gjykatës Supreme në seancën e mbajtur me datë 06 prill 2023, e ka liruar N. P., nga akuza për vrasje. Pas përpilimit të aktgjykimit brenda afatit ligjor, i njëjti do të bëhet publik”, thotë Antigona Uka, zëdhënëse në Gjykatën Supreme.
Në maj të vitit të kaluar, në rigjykim Gjykata Themelore e Ferizajt e kishte dënuar me burgim të përjetshëm Naser Pajazitajn për vrasjen e Donjetës në Bjeshkët e Strellcit, në Deçan. Gjykata Themelore e Pejës njëherë e kishte shpallur të pafajshëm, vendim të cilin Gjykata e Apelit e kishte kthyer në rigjykim.
Pastaj Gjykata e Pejës e kishte dënuar me burgim të përjetshëm, që prap u kthye në rigjykim nga Apeli.
