Policia ka arrestuar një 23-vjeçar nga Çorovoda. Ai akuzohet për prodhim dhe shitje të lëndëve narkotike.
I riu Xhulio Hysi ishte shpallur në kërkim kombëtar që prej datës 19 shtator, pas masës “arrest me burg” të dhënë nga Gjykata e Beratit.
Njoftimi i policisë:
Berat
Në vijim të punës për kapjen dhe ndalimin e personave të shpallur në kërkim, nga Specialistët për Hetimin e Trafikut të Paligjshëm dhe Narkotikëve u bë kapja dhe ndalimi i një shtetasi të shpallur në kërkim kombëtar:
•Xhulio Hysi, 23 vjeç, banues në Çorovodë, Skrapar.
Kapja dhe ndalimi i tij u bë pasi Gjykata e Shkallës së Parë Berat me vendim Nr.16, datë 19.09.2018, ka caktuar masën e sigurisë “Arrest me Burg”, për veprën penale “Prodhim dhe shitje të lëndëve narkotike”, parashikuar nga neni 283 i Kodit Penal.
