Policia e Lezhës ka arrestuar një 37-vjeçar të shpallur në kërkim nga autoritetet Italiane.
Bledar Delia( Dushkaj), banues në Balldre, Lezhë ka qenë në kërkim ndërkombëtar, pasi Gjykata e Milanos/ Itali e ka dënuar me 7 vite burg për veprën penale “Organizatë kriminale ” dhe “Trafikim i lëndëve narkotike” parashikuar nga Kodi Penal italian.
Arrestimi i tij u bë me qëllim ekstradimin drejt Italisë.
Gjithashtu, gjatë kontrollit të ushtruar në banesën e këtij shtetasi, shërbimet e Policisë gjetën dhe sekuestruan fishekë luftarak, si dhe 2 radio marrëse-dhënëse si ato të Policisë.
Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.
