Një 36-vjeçar është arrestuar nga policia ditën e djeshme në Vlorë, pasi lëvizte në qytet me armë zjarri.
Sipas policisë, arrestimi i 36-vjeçarit me inicialet Q.M., erdhi pasi një patrullë në orët e vona dje, kishte kosntatuar një person të dyshimtë.
Sapo kishte pikasur policinë, 36-vjeçari kishte tentuar të largohej me vrap, por forcat e policisë bënë të mundur kapjen e tij.
Gjatë kontrollit fizik, 36-vjeçarit iu gjet një armë zjarri pistoletë së bashku me 8 fishekë të cilat u sekuestruan në cilësinë e provës materiale.
Njoftimi i plotë i policisë:
Vlorë
Policia parandalon një ngjarje të mundshme kriminale duke arrestuar në flagrancë një person me armë zjarri.
Sekuestrohet në cilësinë e provës materiale një armë zjarri pistoletë me fishekë në gojë.
Seksioni për Hetimin e Krimeve në bashkëpunim me Patrullën e Përgjithshme të Komisariatit të Policisë Vlorë gjatë patrullimit në orët e mbrëmjes së djeshme në qytetin e Vlorës, kanë konstatuar një person të dyshimtë i cili porsa ka parë Policinë ka tentuar të largohet me vrap.
Shërbimet e Policisë janë vënë në ndjekje ku kanë bërë të mundur kapjen e tij.
Gjatë kontrollit personal që iu bë këtij shtetasi, Policia i gjeti një armë zjarri pistoletë së bashku 8 fishekë të cilat u sekuestruan në cilësinë e provës materiale.
Materialet i kaluan Prokurorisë pranë Gjykatës së Shkallës së Parë Vlorë për veprime të mëtejshme